स्याङ्जाबाट लागूऔषधसहित एक जना प्रकाउ

स्याङ्जा । स्याङ्जाको गल्याङ नगरपालिकाबाट अवैध लागूऔषधसहित सोमबार एक पुरुष पक्राउ परेका छन् ।

पक्राउ पर्नेमा कास्की पोखरा महानगरपालिका वडा नम्बर १४ काजिपोखरी बस्ने २२ वर्षीय सुमन गुरुङ रहेको जिल्ला प्रहरी कार्यालय स्याङ्जाका प्रहरी नायव उपरीक्षक रबिन्द्र खनालले जनाकारी दिए ।

अस्थायी प्रहरी पोष्ट राम्दीबाट खटिएको प्रहरीले बुटवलबाट पोखरातर्फ आउँदै गरेको ना। ४ ख ४७५१ नम्बरको बसलाई जाँच गर्ने क्रममा गुरुङलाई गल्याङ नगरपालिका वडा नम्बर १ राम्दीबाट लागूऔषधसहित फेला पारी पक्राउ गरेको हो ।

गुरुङबाट प्रहरीले २ मिलिलिटरको झोल सहितको फेनारगन ४० एम्पुल, नोफिम ४० एम्पुल र डाईजेपाम ४० एम्पुल गरी जम्मा १२० एम्पुल बरामद गरेको छ ।

यस घटनाको सम्बन्धमा प्रहरीले आवश्यक अनुसन्धान गरिरहेको जनाएको छ ।