गोरखामा जन्ती बोकेको जिप दुर्घटना हुदा पाँच जनाको मृत्यु, १२ जना घाइते
गोरखा । गोरखामा जन्ती बोकेको जिप दुर्घटना हुँदा पाँच जनाको मृत्यु भएको छ भने १२ जना घाइते भएका छन् ।
दुलहा दुलहीसहित सहिद लखन गाउँपालिका–२ सिलिङमा पोखरी डाँडाबाट जन्ती बोकेर फर्कँदै गरेको प्रदेश ३–०१–०२३ च २४२७ नम्बरको जिप शुक्रबार बिहान करिब दुईबजे दुर्घटना भएको थियो । घुम्तीबाट २ सय ५० मिटर तल खस्दा दुर्घटना भएको प्रहरी कार्यालय गाेरखाले जानकारी दिएकाे छ ।
मृत्यु हुनेमा ४ जना पुरुष र एक जना महिला रहेका छन् । मृत्यु हुनेकाे सनाखत हुन बाँकी रहेकाे प्रहरीले जनाएकाे छ ।
जीप दुर्घटनामा घाइते भएकामध्य एकजनाको चितवन मेडिकल कलेजमा उपचार भइरहेको छ भने ११ जनाको आँबुखैरेनी अस्पतालमा उपचार भइरहेको छ ।
१९ जना सवार रहेको जिपमा २ यात्रु सकुशल रहेका थिए । दुर्घटनास्थल बाटाेदेखि तल खोंचमा रहेकाले घाइतेहरुको उद्धारमा कठिनाइ भएको प्रहरीले जनाएकाे छ ।
दुर्घटनास्थलमा नेपाली सेना, सशस्त्र, प्रहरी र स्थानीय लगायतले उद्धार गरि घाइतेलाइ अस्पताल पुर्याएका छन् ।
