अविरल वर्षाका कारण गोरुसिंगे सन्धिखर्क सडक अवरुद्ध
प्रकाशित मिति : 1 July, 2023 10:16 am
काठमाडौँ । अविरल वर्षाका कारण गोरुसिंगे-सन्धिखर्क सडक अवरुद्ध भएको छ।
सन्धिखर्क ६ नरपानीको बहखोरामा गएराती पहिरो खसेपछि सडक अवरुद्ध बनेको जिल्ला प्रहरी कार्यालय अर्घाखाँचीका प्रहरी नायव उपरीक्षक मुकुन्द रिजालले जानकारी दिए ।
गोरुसिंगे सन्धिखर्क सडकको सन्धिखर्क ६ नरपानीकै दहखोला र शितगंगा १३ कोन्द्रेखोलामा खसेको पहिरो हटाइ सकिएको र बहखोरको सडकमा खसेको पहिरो पन्छाउने कार्य भइरहेको प्रहरी प्रमुख डिएसपी रिजालले जानकारी दिए।
सडक अवरुद्ध बनेपछि सन्धिखर्कबाट बाहिर जाने र बाहिरबाट सन्धिखर्क आउने यात्रुहरु बिकमै रोकिएका छन्।