हनुमानढोका परिसरभित्र सवारी साधन प्रवेशमा रोक
प्रकाशित मिति : 4 July, 2023 10:41 am
काठमाडौँ । काठमाडौँको हनुमानढोका परिसरभित्र सवारी साधन निषेध गरिएको छ । काठमाडौं महानगरपालिकाले काठमाडौँ मुख्यरुपमा प्राचिन र ऐतिहासिक कालीगढको उदाहरण रहेको बताउँदै हनुमानढोका परिसरमा सवारी निषेध गरिएको जनाएको छ ।
काठमाडौँ महानगरका मेयर बालेन शाहले हनुमानढोका क्षेत्रमा दिनहुँ हजारौँ पर्यटक आउने भएकाले यस क्षेत्रको मौलिकता, सौन्दर्य र परिसरको वातावरण शान्त, स्वच्छ राख्नका लागि यस क्षेत्रमा सवारी साधनलाई निषेध गरिएको जानकारी दिए ।
विश्वलाई गौरवसाथ देखाउन सक्ने, हामीले शानसँग व्यवसायिकता अँगाल्न सक्ने भनेकै यिनै सम्पदा र यिनको प्राचीन मौलिकता रहेको उनले बताएका छन् ।