बिहीबार नेप्सेमा झिनो अंकको गिरावट
काठमाडौं । साताको कारोबारको अन्तिम दिन सेयरबजारमा झिनो अंकको गिरावट आएको छ । बिहीबार नेप्से परिसूचक ०.०६ अंकले घटेको छ ।
नेपाल स्टक एक्सचेन्जका अनुसार आज सेयरमापक सूचक नेप्से परिसूचक ०.०६ अंकले घटेर २०४९.३८ अंकमा पुगेको छ ।
त्यस्तै राम्रा र बलिया कम्पनीको सूचक सेन्सेटिभ परिसूचक ०.५८ अंकले घटेर ३८२.१६ अंकमा पुगेको छ ।
नेप्सेमा कारोबार भएका कुल १३ उपमुहमध्ये ६ वटा उपसमुहको सेयरमूल्य बढेको छ भने बाँकी ७ वटा उपसमुहको मूल्य घटेको छ ।
आजको दिन लगानीकर्ताको आकर्षण शिवम् सिमेन्टमा रहेको छ । कारोबार रकमका आधारमा शिवम् सिमेन्ट अग्रस्थानमा रहेको छ । कम्पनीको १८ करोड ५६ लाख ४२ हजार सय २१ रुपैयाँको कारोबार भएको छ ।
बिहीबार नेप्सेमा सिटी होटल र रावा इनर्जीका लगानीकर्ताले सबैभन्दा धेरै कमाएका छन् । कम्पनीको सेयरमूल्य ९.९९ प्रतिशतले बढेको छ ।
त्यस्तै आज मोदी इनर्जी लिमिटेडका लगानीकर्ताले सबैभन्दा धेरै गुमाएका छन् सम्पनीको सेयरमूल्य १० प्रतिशतले घटेर नकरात्मक सर्किट लागेको छ ।
२८० कम्पनीको ९७ लाख ५१ हजार ८ सय ८५ कित्ता सेयर किनबेच हुँदा ३ अर्ब ७ करोड ७४ लाख ९८ हजार ३ सय १५ रुपैयाँको कारोबार भएको नेप्सेले जनाएको छ ।
