कोशी प्रदेशका नवनियुक्त मन्त्रीहरुले लिए पद तथा गोपनियताको सपथ
प्रकाशित मिति : 9 July, 2023 11:05 am
विराटनगर । कोशी प्रदेशका नवनियुक्त मन्त्रीहरूले शपथ लिएका छन् । प्रदेश मुख्यमन्त्री उद्धव थापाले माओवादीका दुई जना र नेपाली कांग्रेसका एक जना गरी तीन जना मन्त्री नियुक्त गर्दै पद तथा गोपनियताको सपथ खुवाएका हुन् ।
माओवादीबाट नियुक्त भएका जीवन आचार्य र राजेन्द्र कार्की, नेपाली काङ्ग्रेसबाट नियुक्त भएका रामकुमार खत्रीले पद तथा गोपनीयताको शपथ लिएका हुन।
आचार्यलाई आर्थिक मामिला तथा योजना मन्त्रीको जिम्मेवारी दिइएको छ । अरु भने विनाविभागीय छन् ।
बिहीबार मुख्यमन्त्री नियुक्त भएका थापाले शुक्रबार शपथ ग्रहण गरेका थिए ।
नेकपा एकीकृत समाजवादी पार्टीले कोशी प्रदेश सरकारका मुख्यमन्त्री उद्धव थापाले गठबन्धन दलहरूबिच भएको पूर्व सहमति तोडेर मन्त्रिपरिषद् विस्तार गर्न लागेको भन्दै आपत्ति जनाएको छ ।