बैतडीमा पहिरोले घर पुरिँदा आमा छोराको मृत्यु
प्रकाशित मिति : 24 July, 2023 11:09 am
काठमाडौं । बैतडीमा पहिरोले घर पुरिँदा आमा छोराको मृत्यु भएको छ ।
पुर्चौडी नगरपालिका–२ को भैरु टोलमा घर पुरिँदा २५ वर्षीय अञ्जु जागरी र उनका छोरा ५ वर्षीय रिजनको मृत्यु भएको इलाका प्रहरी कार्यालय पाटनका प्रमुख, प्रहरी निरीक्षक कमल प्रसाद चौधरीले जानकारी दिए ।
अन्जुका देवर गोब्बर जागरी उनका आमा रायमति जागरी र छिमेकी जस्मा बोहरा पनि घाइते भएका छन् ।
उनीहरूलाई उद्धार गरेर अस्पताल लैजाने तयारी भइरहेको प्रहरीले जनाएको छ ।
