नारायणी नदीमा हाम फालेकी महिलाको उपचारका क्रममा मृत्यु
प्रकाशित मिति : 3 August, 2023 1:52 pm
काठमाडौं । नारायणी नदीमा हाम फालेकी महिलाको उपचारका क्रममा मृत्यु भएको छ ।
बिहीबार बिहान नारायणी नदी पुलबाट हाम फालेकी महिलाको उद्धारपछि उपचारका क्रममा अस्पतालमा मृत्यु भएको जिल्ला प्रहरी कार्यालय चितवनले जनाएको छ ।
बिहान ७ :४० बजे नदीमा हाम फालेकी अन्दाजी ४५ वर्षीया महिलाको उद्धार गरी उपचारका लागि चितवन मेडिकल कलेज ल्याइएको थियो ।
प्रहरीका अनुसार उनको उपचारका क्रममा बिहान ८ :३६ मा मृत्यु भएको हो ।
अहिलेसम्म पहिचान खुल्न नसकेकी महिलालाई नेपाल प्रहरी र सशस्त्र प्रहरीको सक्रियतामा उद्धार गरी अस्पताल ल्याइएको थियो ।