उपत्यकामा बिहानैदेखि भारी वर्षा, बस्ती पस्न थाल्याे धाेबीखाेला
प्रकाशित मिति : 8 August, 2023 7:49 am
काठमाडाैँ । काठमाडाैँ उपत्यकामा बिहानैदेखि भारी वर्षा भइरहेकाे छ । वर्षा बढ्दै जाँदा उपत्यका भित्रका खाेला तथा नदीमा जलतह उच्च भइहरेकाे छ ।
अनामनगर क्षेत्रमा धाेबी खाेला छचल्किएर सडक हुँदै बस्तीतिर जान थालेकाे छ । सतर्क रहन जल तथा माैसम विज्ञान विभागले अलर्ट जारी गरेकाे छ । उपत्यकाको बुढानिलकण्ठ, सुन्दरीजल, नगरकोट र आसपास भारी बर्षा भएको छ।
“विष्णुमती,धोविखोला,मनोहरा लगायतमा जलसतह बढ्दो छ र सतर्कता पुगेकोले नदी तटीय क्षेत्रहरूमा रहनेहरू र नदी किनारको सडकबाट यात्रा गर्नेहरूले बिहान ११ बजे सम्म उच्च सतर्कता अपनाऔँ,” विभागकाे बाढी पूर्वानुमान महाशाखाले भनेकाे छ ।
