स्वर्गीय जेबी टुहुरेलाई ‘जनगायक’को उपाधि
प्रकाशित मिति : 23 August, 2023 11:44 am
काठमाडौँ । सरकारले स्वर्गीय गायक जेबी टुहुरेलाई ‘जनगायक’ को उपाधि प्रदान गर्ने भएको छ ।
आज (बुधबार) बिहान बसेको मन्त्रिपरिषद बैठकले टुहुरेलाई जनगायकको उपाधि प्रदान गर्ने निर्णय गरेको सरकारकी प्रवक्ता रेखा शर्माले जानकारी दिइन् ।
गायक टुहुरेको ७८ वर्षको उमेरमा २०७८ भदौ १० गते बल्खुस्थित बयोधा अस्पतालमा उपचारका क्रममा निधन भएको थियो ।
टुहुरेका ‘आमा दिदी बहिनी हो’ लगायतका गीत चर्चित छन् ।
