प्रधानमन्त्री र कांग्रेस सभापति देउवाको भेट, कोरोनाको जोखिमसँग लडिरहँदा अब बिवादका कुनै कुरा नल्याउन आग्रह
प्रमुख प्रतिपक्षी दल नेपाली कांग्रेसका सभापति शेरबहादुर देउवाले कोरोनाको जोखिमसँग लडिरहँदा अब बिवादका कुनै कुरा नल्याउन प्रधानमन्त्री केपी शर्मा ओलीलाई आग्रह गरेका छन् ।
प्रधानमन्त्री निवास वालुवाटारमा आज भएको भेटमा देउवाले अध्यादेश खारेज भइसकेको र अब फेरी विवादका कुरा नल्याउन आग्रह गरेका हुन् ।
भेटपछि मुख्य सचिव कृष्णप्रसाद पौडेलले निकालेको विज्ञप्तिमा भनिएको छ,‘सभापति देउवाले कोरोनाको जोमिसँग लडिरहँदा अब बिवादका कुनै कुरा नल्याउन तपाईंलाई मेरो सुझाव छ, भनेर प्रधानमन्त्तीलाई थप सजग पनि गराउनुभएको छ ।’
दुबै अध्यादेश फिर्ता लिएर गल्ती सच्चाएको भन्दै सभापति देउवाले प्रधानमन्त्रीलाई धन्यवादपनि दिएका छन् । तर, एक सांसदलाई अपहण शैलीमा काठमाण्डौं ल्याउन संलग्न हुनेलाई कारवाही गर्न पनि देउवाले सुझाव दिएका छन् ।
देउवाको भनाई उल्लेख गर्दै विज्ञप्तिमा भनिएको छ,‘दुबै अध्यादेश फिर्ता लिएर गल्ती सच्याउनु भयो, त्यसका लागि धन्यवाद छ । तर एक सांसदलाई अपहरण शैलीमा काठमाडौं ल्याउन जो संलग्न छन्, तिनलाई कार्वाही गर्नुपर्ने माग देशभरी उठेको छ । मेरो माग यहि छ । देशमा कानूनी राज्य छ भने निष्पक्ष अनुसन्धान र कार्वाही हुनुपर्छ ।’
भेटमा सभापति देउवाले कोरोना भाइरसको व्यापक परीक्षण अहिलेको आवश्यकता भन्दै समुदाय स्तरमा व्यापक परीक्षणमा ढिलो नगर्न सुझावसमेत दिएका छन् ।
उनले स्वास्थ्यकर्मीहरुर्ला पीपीई लगायतका सामाग्री अझै प्रयाप्त नपुगेको भन्दै यथासिघ्र पु¥याउन प्रधानमन्त्रीको ध्याकर्षण गराएका छन् ।
सरकारले राजनीतिक दल र संबैधानिक परिषद्सम्बन्धि अध्यादेश ल्याएर व्यापक विवाद भएपछि आजै सरकारले फिर्ता लिने निर्णय गरेको थियो ।
आज बसेको मन्त्रिपरिषद् बैठकले अध्यादेश खारेज गर्न आग्रह गरेपछि राष्ट्रपति विद्यादेवी भण्डारीले आजै अध्यादेश खारेज गरेकी छन् । अध्यादेश खारेज लगत्तै प्रधानमन्त्री केपी शर्मा ओलीले सभापति देउवाले भेटका लागि बोलाएका थिए ।
भेटमा नेकपाका अर्का अध्यक्ष पुष्पकमल दाहाल प्रचण्डपनि सहभागि भएका थिए ।
