चीन जाने पर्यटकको अब कोरोना परीक्षण अनिवार्य नहुने
प्रकाशित मिति : 29 August, 2023 2:12 pm
काठमाडौँ । अगस्ट ३० देखि चीन भ्रमणमा जाने पर्यटकहरूका लागि न्युक्लिक एसिड परीक्षण र एन्टिजेन परीक्षण गर्नु नपर्ने भएको छ ।
सोमबार चिनियाँ विदेश मन्त्रालयका प्रवक्ता वाङ यीले अगस्ट ३० बाट चीन जाने कोही पनि व्यक्तिले एन्टिजेन परीक्षण गर्नैपर्ने बाध्यता हटाउने बताएका हुन् ।
२०१९ को डिसेम्बरमा चीनमा पहिलो पटक कोरोना भाइरस (कोभिड १९) संक्रमण देखा परेको थियो । चीनपछि बिस्तारै विश्वभर नै कोरोना भाइरसको संक्रमण फैलिँदा लाखौँ मानिसहरूको निधन भएको थियो भने अर्बौं मानिसहरू संक्रमित भएका थिए ।
२०१९ देखि हालसम्म पनि कोरोना भाइरस अधिकांश मुलुकहरूमा अहिले पनि देखा पर्दै आइरहेको छ । सोमबार पत्रकार सम्मेलनमा उनले अगस्ट ३०, २०१९ बाट भने चीन भित्रिने पर्यटकका लागि कोभिड १९ को परीक्षण अनिवार्य नरहेको बताए ।
