दाङको तुलसीपुर आन्तरिक राजस्व कार्यालयका कर अधिकृत सापकोटा रु. २६ लाखसहित पक्राउ

बाँके । बाँकेको नेपालगञ्ज विमानस्थलबाट स्रोत नखुलेको रु २६ लाखसहित कर अधिकृत पक्राउ परेका छन् ।

दाङको तुलसीपुरस्थित आन्तरिक राजस्व कार्यालयका कर अधिकृत खगेन्द्र सापकोटा नगद रकमसहित पक्राउ परेका हुन् ।

विमानस्थलमा जाँचका क्रममा सापकोटाले बोकेको झोलाबाट स्रोत नखुलेको रकम बरामद गरिएको जिल्ला प्रहरी कार्यालय बाँकेका प्रवक्ता एवं प्रहरी नायब उपरीक्षक नारायण डाँगीले जानकारी दिए ।

तुलसीपुर आन्तरिक राजस्व कार्यालयमै कार्यरत दीपक पौडल भने फरार भएको प्रवक्ता डाँगीले जानकारी दिए ।

रकम लिएर सापकोटा श्री एयरलाइन्सको उडानबाट नेपालगञ्जदेखि काठमाडौँ जाँदै थिए । सापकोटालाई थप अनुसन्धानका लागि जिल्ला प्रहरी कार्यालय बाँकेमा लगिएको छ ।