अवस्था ठिक नभएका सवारी साधन चलाउने ९ जना चालक ट्राफिक प्रहरीको नियन्त्रणमा
काठमाडौँ । काठमाडौँको कृत्तिपुरमा हिजो (शुक्रबार) गरिएको विशेष चेकिङका क्रममा यान्त्रिक अवस्था ठिक नभएका ९ वटा सवारी साधनका चालकलाई ट्राफिक प्रहरीले कारबाही गरेको छ ।
८० भन्दा बढी सवारी साधन चेक गर्दा ब्रेक ठिक नभएका, लाइटहरू दुरुस्त नभएका, टायर धेरै घिस्रिएका लगायत यान्त्रिक अवस्था ठिक नभएका ९ वटा सवारी साधन फेला परेपछि चालकलाई कारबाही गरिएको हो ।
जसमा टाटासुमो ४, पिकअप जिप २ र बस, टिपर, हात्ती गाडी १र१ गरी जम्मा ९ वटा रहेका छन् ।
सवारी साधन मर्मत पश्चात् तोकिएको जरिवाना तिरी ट्राफिक प्रहरीद्वारा नियन्त्रणमा लिएका कागजपत्र फिर्ता दिइने छ ।
अवस्था ठिक नभएका सवारी साधन चलाउँदा दुर्घटनाको जोखिम हुने हुनाले सवारी साधनको अवस्था चेकजाँच गरी दुरुस्त अवस्थामा रहेका सवारी साधन मात्र चलाउन सम्पूर्ण चालकलाई काठमाडौँ उपत्यका ट्राफिक प्रहरी कार्यालयका प्रवक्ता प्रहरी वरिष्ठ उपरीक्षक राजेन्द्र प्रसाद भट्टले अनुरोध गरेका छन् ।
