प्रधानमन्त्रीले संसदमा सम्बोधन गर्ने
प्रकाशित मिति : 1 October, 2023 1:54 pm
काठमाडौं । प्रतिनिधिसभाको आज बस्ने बैठकका प्रधानमन्त्री पुष्पकमल दाहाल प्रचण्डले सम्बोधन गर्ने भएका छन् ।
भर्खरै सकिएको अमेरिका र चीन भ्रमणबारे प्रधानमन्त्रीले सदनलाई जानकारी गराउने प्रधानमन्त्रीको सचिवालयले जनाएको छ ।
संयुक्त राष्ट्रसंघको महासभामा भाग लिन भदौ ३० गते अमेरिका गएका प्रचण्ड उतैबाट असोज ५ गते चीन भ्रमणमा गएका थिए । चीन भ्रमणबाट शनिवार स्वदेश फर्किएको भोलिपल्ट नै संसदमा सम्बोधन गर्न लागेका हुन् ।
प्रतिनिधि सभाको बैठक केहीबेरमा बस्दैछ ।
