एमालेको चियापान कार्यक्रम कात्तिक १५ गतेलाई सर्‍यो

काठमाडौँ । नेकपा (एमाले) को चियापान कार्यक्रम निर्धारित समयभन्दा एक दिन ढिलोगरी १५ गतेका लागि सरेको छ ।

पार्टी केन्द्रीय कार्यालय सचिव डा. भीष्म अधिकारीका अनुसार दसैं, तिहार, छठ लगायतको पर्वको अवसरमा आयोजना हुने चियापान कार्यक्रम एक दिन पछि सरेको हो ।

एमाले अध्यक्ष केपी शर्मा ओलीको तर्फबाट आयोजना हुने सो चियापान तथा शुभकामना आदान प्रदान कार्यक्रम यसअघि १४ गतेका लागि तय गरिएको थियो । सोही दिन संयुक्त राष्ट्रसंघका महासचिव एन्टोनियो गुटेरेसको नेपाल भ्रमण रहेकाले त्यसलाई मध्येनजर गरी चियापान कार्यक्रम एक दिन पछि सारिएको कार्यालय सचिव डा.अधिकारीले जानकारी दिए ।

चियापान कार्यक्रम एमाले मुख्यालय च्यासल ललितपुरमा आउने बुधबार दिउँसो १२ः१५ देखि सुरु हुने उनले जानकारी दिए ।