चीनका पूर्व प्रधानमन्त्री ली खछ्याङको निधन
प्रकाशित मिति : 27 October, 2023 10:59 am
काठमाडौँ । चीनका पूर्वप्रधानमन्त्री ली खछ्याङको निधन भएको छ । हृदयाघातका कारण उनको निधन भएको चिनियाँ सरकारी टेलिभिजन सीसीटीभीले जनाएका छन् ।
विहीबार राति १२ बजेर १० मिनेटमा उनको हृदयघातका कारण मृत्यु भएको टिभीले जनाएको छ ।
६८ वर्षीय नेता ली गत मार्च महिनामा मात्र प्रधानमन्त्रीको दोस्रो कार्यकाल पूरा गरेर बिदा भएका थिए ।
राष्ट्रपति सी जिनफिङपछि सत्तारूढ कम्युनिस्ट पार्टी अफ चाइनाका दोस्रो वरियतामा रहेका ली पछिल्लो समय सांघाइमा बस्दै आएका थिए ।ली खछ्याङ सन् २०१३ मा चीनको प्रधानमन्त्री बनेका थिए ।
