आइसीसी टी–२० विश्वकप छनौट खेलका लागि नेपाली टोलीको घोषणा
प्रकाशित मिति : 28 October, 2023 2:27 pm
काठमाडौँ । आइसीसी टी–२० विश्वकप छनौट खेलका लागि नेपाली टोलीको घोषणा भएको छ ।
नेपाल क्रिकेट संघ (क्यान) ले टि–२० विश्वकप एसिया क्षेत्र छनोट खेलका लागि १५ सदस्यीय नेपाली टिम घोषणा गरेको हो ।
रोहित पौडेलको कप्तानीमा कुशल भूर्तेल, आशिफ शेख, कुशल मल्ल, दिपेन्द्रसिंह ऐरी, सन्दीप जोरा, गुल्शन झा, सोमपाल कामी रहेका छन् ।
यस्तै करण केसी, अभिनाश बोहरा, प्रतिश जिसी, विवेक यादव, सन्दीप लामिछाने, ललित राजवंशी र विनोद भण्डारी पनि टिममा परेका छन् । खेल कात्तिक १३ गतेदेखि कीर्तिपुर र मुलपानी,काठमाडाैँमा हुनेछ ।
८ देश सहभागी हुने खेलमा २ समूह छ । समूह ‘ए’ मा नेपालसँगै मलेसिया, ओमन र सिंगापुर छन् ।
समूह ‘बी’ मा बहराइन, हङकङ, कुवेत र युएई परेका छन् । शीर्ष दुई टिम अर्को वर्ष हुने टी–२० विश्वकपमा छनोट हुनेछ ।