भूकम्पमा परी नलगाढ नगरपालिकाकी उपप्रमुख सरिता सिंहको निधन
प्रकाशित मिति : 4 November, 2023 7:22 am
सुर्खेत । जाजरकोटमा गएरातिको भूकम्पमा परी नलगाढ नगरपालिकाकी उपप्रमुख सरिता सिंहको निधन भएको छ ।
सदरमुकाम खलंगामा सिंह बसेको घर भत्किँदा उपप्रमुख सिंहको निधन भएको जिल्ला प्रहरी कार्यालयका डीएसपी सन्तोष रोकाले जानकारी दिएका छन् ।
घाइते भएकी उपप्रमुख सिंहलाई उद्धार गरेर अस्पताल पठाउँदै गर्दा बाटोमा नै मृत्यु भएको प्रहरीले जनाएको छ ।
सिंह गत स्थानीय निर्वाचनमा नेपाली कांग्रेसबाट उपप्रमुख पदमा निर्वाचित भएकी थिइन् ।
