चिनियाँ कम्युनिष्ट पार्टीको टोली काठमाडौंमा
प्रकाशित मिति : 8 November, 2023 2:01 pm
काठमाडौं । चिनियाँ कम्युनिष्ट पार्टी (सीपीसी) का तिब्बत स्वायत्त क्षेत्रका सचिव वाङ छुङछेङलगायतको टोली नेपाल आइपुगेको छ । छुङछेङलगायतको टोली ुपाँच दिने भ्रमण नेपाल आएको हो ।
उक्त टोली केहीबेर अगाडी त्रिभुवन अन्तराष्ट्रिय विमानस्थामा अवतरण गरेको छ । राष्ट्रियसभाकी उपाध्यक्ष उर्मिला अर्यालले उनीहरुको स्वागत गरिन् ।
वाङको भ्रमण दलमा नेपाल मामिला हेर्ने चिनियाँ निकायका प्रतिनिधि पनि सहभागी छन् । उक्त भ्रमण दलले प्रधानमन्त्री पुष्पकमल दाहाल, विभिन्न दलका नेताहरूसँग भेटघाट गर्ने परराष्ट्रमन्त्रालयले जनाएको छ ।
चिनियाँ नेता वाङ शुक्रबार पोखरा गएर त्यहाँका मुख्यमन्त्रीसँग भेट्ने कार्यतालिका रहेको मन्त्रालयले जनाएको छ ।