वीरगञ्जमा नक्कली नोटसहित २ जना पक्राउ
प्रकाशित मिति : 17 November, 2023 5:13 pm
काठमाडौं । वीरगञ्जमा नक्कली नोटसहित २ जना पक्राउ परेका छन् ।
वीरगञ्ज महानगरपालिका– ३१ का ऋषिलाल पटेल र बाराको कलैया उपमहागरपालिका ३ का उमेश कुमार नक्कली नोटसहित पक्राउ परेको जिल्ला प्रहरी कार्यालय पर्साले जनाएको छ ।
वीरगञ्जको सिटी मार्केटमा कपडा खरिद गरेर नक्कली नोटहरू दिएको सूचना पाएपछि पुगेको प्रहरी टोलीले उनीहरुलाई पक्राउ गरेको हो ।
प्रहरीकाअनुसार उनीहरुको साथबाट १ हजार दरका ३८ थान नक्कली नोट फेला परेको छ । उनीहरुलाई खोटा चलन सम्बन्धी कसुरमा थप अनुसन्धान भइरहेको प्रहरीले जनाएको छ ।
