छठको दिन मौसम सफा रहने, तीन प्रदेशका उच्च पहाड र हिमालका एक-दुई स्थानमा हिमपात हुन सक्ने
प्रकाशित मिति : 19 November, 2023 7:46 am
काठमाडौँ। आइतवार छठ पर्वको दिन देशभर मौसम सफा रहने भएको छ। जल तथा मौसम विज्ञान विभागका अनुसार तीन प्रदेशका उच्च पहाड र हिमालमा भने हिमपात हुन सक्नेछ।
कोशी, बागमती र गण्डकी प्रदेशका उच्च पहाडी तथा हिमाली भू-भागका एक-दुई स्थानमा हल्का हिमपातको सम्भावना रहेको विभागले जनाएको छ।
देशभर तापक्रम क्रमिक रूपमा घटिरहेको हुनाले त्यसबाट हुन सक्ने असरबाट बच्न आवश्यक सतर्कता अपनाउन अनुरोध गरिएको छ।
