जोर्डन, पोर्चुगल, स्लोभेनियाद्वारा गाजामा पर्याप्त सहयोग पुर्याउन आह्वान
काठमाडौँ । जोर्डन, पोर्चुगल र स्लोभेनियाका विदेश मन्त्रीहरूले शनिवार गाजा पट्टीमा पर्याप्त र अत्यावश्यक मानवीय सहायता पु¥याउन संयुक्त रूपमा आह्वान गरेका छन्।
प्यालेस्टाइनको तटीय क्षेत्रमा जारी इजरायल–हमास द्वन्द्व रोक्न उपायहरूबारे छलफल गर्न जोर्डनको राजधानी अम्मानमा भएको त्रिपक्षीय बैठकमा उक्त टिप्पणी गरिएको हो। बैठकमा जोर्डनका विदेशमन्त्री अयमान सफादी, पोर्चुगलका विदेशमन्त्री जोआओ क्रभिन्हो र स्लोभेनियाली विदेशमन्त्री तान्जा फाजोन सहभागी थिए।
मन्त्रीहरूले मानवीय प्रकोप र गाजाको पीडाको अन्त्य गर्न, नागरिकहरूको सुरक्षा सुनिश्चित गर्न र मानवीय र अन्तर्राष्ट्रिय कानूनहरूको पालना गर्न प्रयास गर्न आह्वान गरे। सफादीले इजरायल र हमासबीच शुक्रवारदेखि लागू भएको चार दिने मानवीय युद्धविराम सही भएको र यसले तत्काल द्वन्द्वको अन्त्य गर्न आह्वान गरे।
स्लोभेनियाली मन्त्रीले यस क्षेत्रमा सुरक्षा, स्थायित्व र शान्ति ल्याउन जोर्डनको महत्वपूर्ण र रणनीतिक भुमिकालाई जोड दिँदै आफ्नो देशले वेस्ट बैंकको घटनाक्रमको बारेमा जोर्डन र बाँकी विश्वको चासो रहेको बताए।
गाजामा तत्काल युद्धविरामको लागि आह्वान गर्दै र एन्क्लेभमा सबैभन्दा ठूलो मानवीय र राहत सहायताको प्रवेशको लागि आह्वान गर्दा फाजोनले द्वन्द्व समाधान गर्ने तरिकाको रूपमा दुई–राज्य समाधानको लागि आफ्नो समर्थन रहेको बताए।
पोर्चुगल अधिकारीले इजरायल–हमास द्वन्द्व रोक्न संयुक्त राष्ट्र संघमा भुमिका खेलेकोमा जोर्डनलाई धन्यवाद दिए। गाजाको विस्थापनलाई अस्वीकार गर्दै, क्राभिन्होले यस क्षेत्रमा द्वन्द्व समाधान गर्ने एक मात्र तरिका कूटनीतिक र राजनीतिक समाधान भएको बताउँदै युद्धविराम विस्तार गर्नुपर्ने आवश्यकतालाई जोड दिए।
फोरमले इजरायल–हमास द्वन्द्व रोक्न र यसका गम्भीर परिणामहरूबारे छलफल गर्ने उपायहरूमा ध्यान केन्द्रित गर्ने अपेक्षा गरिएको छ।
