प्रचण्डलाई सामाजिक सञ्जालमा गाली गरेको आरोपमा रेडियो नेपालका बोर्ड सदस्य पाठक पक्राउ
प्रकाशित मिति : 30 April, 2020 9:57 am
काठमाण्डौं, १८ वैशाख ।
नेपाल कम्युनिष्ट पार्टी (नेकपा) अध्यक्ष पुष्पकमल दाहाल (प्रचण्ड)लाई सामाजिक सञ्जालमा गाली गरेको आरोपमा रेडियो नेपालका बोर्ड सदस्य दीपक पाठक पक्राउ परेका छन् ।
केही दिनदेखि लगातार फेसबुकमा प्रचण्डलाई अशिष्ट र अमर्यादित गाली गरेको भन्दै उजुरी परेपछि पत्रकार तथा रेडियो नेपालका बोर्ड सदस्य पाठकलाई पक्राउ गरिएको प्रहरी स्रोतले जनाएको छ ।
उनलाई आज विहान घरबाटै प्रहरीले लिएर गएको पारिवारिक श्रोतले जनाएको छ ।
अध्यक्ष प्रचण्डका तर्फबाट प्रेस सल्लाहकार विष्णु सापकोटाले छानबिन र कारवाहीको माग गर्दै प्रेस काउन्सिलमा उजुरी दायर गरेका थिए ।
काउन्सिलले छानबिनपछि कारवाहीका लागि सञ्चार तथा सूचना प्रविधि मन्त्रालयमा समेत पत्राचार समेत गरेको थियो ।
