अर्बपति ब्यापारी अग्रवाल धरौटीमा छुटे लगत्तै फेरी फक्राउ
काठमाण्डौं, १८ वैशाख ।
कालो बजारीको आरोपमा पक्राउ परेका शंकर ग्रुपका मालिक अर्बपति ब्यापारी सुलभ अग्रवाल २५ लाख ५० हजार रुपैँयामा धरौटीमा रिहा भएलगत्तै फेरी पक्राउ परेका छन् ।
थर्मल गन कालोबजारी गरेको आरोपमा अग्रवाललाई प्रहरीले पक्राउ गरेको थियो ।
उनलाई जिल्ला अदालत काठमाण्डौंले आज धरौटीमा रिहा गर्न आदेश दिएलगत्तै प्रहरीले फेरी पक्राउ गरेको हो । सम्पति शुद्धीकरणका विषयमा अनुसन्धान गनुपर्ने भएकाले पक्राउ गरिएको महानगरीय प्रहरी परिसर काठमाण्डौंले जनाएको छ ।
उनलाई सम्पति शुद्धीकरण विभागमा पठाउने तयारी छ । अग्रवाल चैत २५ गते पक्राउ परेका थिए । उनलाई तीन हजार रुपैयाँ पर्ने थर्मल गनलाई १५ हजार रुपैयाँमा बेचेको आरोपमा उनलाई पक्राउ गरिएको थियो ।
किर्गिस्तानका लागि नेपालका अवैतनिक बाणिज्यदूत अग्रवालको नीलो नम्बर प्लेटको गाडीबाट प्रहरीले ६६ थान थर्मल गन बरामद गरेको थियो ।
