स्याङ्जाको चापाकोटमा मोटरसाइकल दुर्घटना हुँदा दुई जना घाइते
काठमाडौँ । स्याङ्जाको चापाकोट नगरपालिका वडा नम्बर १० किसान पक्की सडक खण्डमा हिजो (मंगलबार) दिउँसो मोटरसाइकल दुर्घटना हुँदा दुई जना घाइते भएका छन् ।
घाइते हुनेमा पाल्पाको रामपुर नगरपालिका वडा नम्बर ४ बस्ने २० वर्षीय बिपन दर्जी र रुपन्देहीको तिलोत्तमा नगरपालिका वडा नम्बर ३ बस्ने ४७ वर्षीय कर्तिनिधी खड्का रहेका जिल्ला प्रहरी कार्यालय स्याङ्जाका प्रवक्ता ईन्द्र बहादुर रानाले जानकारी दिए ।
चापाकोट नगरपालिका वडा नम्बर १० किसान पक्की सडक खण्डमा लु २० प ७६३४ नम्बरको मोटरसाइकल र लु ८० प ६१९० नम्बरको मोटरसाइकल एक आपसमा ठक्कर खाँदा दुर्घटना भएको हो ।दर्जीको अनुहार र हातमा भित्री चोट लागेको छ भने खड्काको दायाँ हात र बायाँ खुट्टामा चोट लागेको प्रवक्ता रानाले बताए।
घाइते दुवैको चापाकोट अस्पतालमा उपचार भइरहेको जिल्ला प्रहरी कार्यालय स्याङ्जाका प्रवक्ता रानाले जानकारी दिए ।
