कोशी,बागमती र गण्डकी प्रदेशमा हिमपातको सम्भावना

काठमाडौँ । हाल नेपालमा उल्लेखनीय मौसमी प्रणाली नभएको मौसम पूर्वानुमान माशाखाले जनाएको छ । जसको प्रभावले हाल कोशी, बागमती र गण्डकी प्रदेशका पहाडी भूभागमा आंशिक बदली रही बाँकी भूभागमा मौसम सामान्यतया सफा रहेको छ ।

आज दिउँसो कोशी, बागमती र गण्डकी प्रदेशको पहाडी भूभागमा आंशिक बदली रही बाँकी भूभागमा मौसम सामान्यतया सफा रहनेछ । कोशी,बागमती र गण्डकी प्रदेशको उच्च पहाडी तथा हिमाली भूभागको एक दुइ स्थानमा हल्का हिमपातको संभाबना रहेको छ।

त्यस्तै राति कोशी र बागमती प्रदेशको पहाडी भूभागमा आंशिक बदली रही बाँकी भूभागमा मौसम सामान्यतया सफा रहनेछ।

कोशी,बागमती र गण्डकी प्रदेशको उच्च पहाडी तथा हिमाली भूभागको एक दुइ स्थानमा हल्का हिमपातको संभाबना रहेकोले चिसोबाट बच्न आवश्यक सावधानी अपनाउन महाशाखाले अनुरोध गरेको छ ।