बिहीबार र शुक्रवारको मौसमः पहाडी भेगमा हल्का बादल, बाँकी स्थानमा मौसम सफा रहने
प्रकाशित मिति : 28 December, 2023 6:17 am
काठमाडौँ। आगामी २४ घण्टामा कोशी, बागमती र गण्डकी प्रदेशका पहाडी भू–भागमा आंशिक बदली रही बाँकी भू–भागमा मौसम सामान्यतया सफा रहने जल तथा मौसम विज्ञान विभागले जनाएको छ ।
मौसममा आंशिक बदली भनेको आकाशको २६ देखि ५० प्रतिशत हिस्सा बादलले छोप्नु हो। विभागका अनुसार शुक्रवार दिउँसो कोशी, बागमती र गण्डकी प्रदेशका पहाडी भू–भागमा आंशिक बदली रही बाँकी भू–भागमा मौसम सामान्यतया सफा रहनेछ।
शुक्रवार राती सुदूरपश्चिम, कर्णाली, लुम्बिनी, गण्डकी प्रदेश लगायत कोशी र बागमती प्रदेशका पहाडी भू–भागमा आंशिक बदली रही बाँकी भू-भागमा मौसम सामान्यतया सफा रहनेछ।
दैनिक रुपमा चीसो बढेको र तराइका कतिपय क्षेत्रमा हुस्सुको सम्भावना रहेकाले सतर्क रहन विभागले अनुरोध गरेको छ।
