उत्तर कोरियाका नेता किम सार्वनिक हुँदा अमेरीकी राष्ट्रपति ट्रम्प खुशी
एजेन्सी,२१ वैशाख ।
अमेरीकी राष्ट्रपति डोनाल्ड ट्रम्पले उत्तर कोरियाका सर्वोच्च नेता किम जोङ उन स्वस्थ रुपमा सार्वजनिक कार्यक्रममा देखिएकोप्रति खुशी व्यक्त गरेका छन् । राष्ट्रपति ट्रम्पले ट्वाीट गर्दै भनेका छन्,‘उनी सार्वज्निक कार्यक्रममा स्वस्थ्य रुपमा देखिएकोमा म खुशी छु ।’
नेता किमबारे मृत्युसम्मको हल्ला फैलिरहेका बेला उनी एउटा प्रजनन केन्द्रको उद्घाटन समारोहमा देखिएका थिए । नेता किम झण्डै ३ हप्तापछि सार्वजनिक कार्यक्रममा देखिएका थिए ।
खासगरि आफ्ना हजुरबुवाको जन्मोत्सव कार्यक्रममा सहभागि नभएपछि किमको स्वास्थ्यलाई लिएर विश्वभर अनेक अड्कलबाजी भएका थिए । अन्योलताकैबीच उत्तर कोरियाली समाचार संस्था केसीएएनले शुक्रबार रिवन काट्दै एउटा प्रजनन उद्योगको उद्घाटन गरेको तस्वीर सार्वजनिक गरेको थियो ।
गत सोमबारमात्रै किमको स्वास्थ्यबारे अनेक अफवाह फैलिएका बेला राष्ट्रपति ट्रम्पले आफूलाई यसबारे राम्रोसँग थाहा भएको तर यसबारे अहिले कुरा नगर्ने बताएका थिए । उनले भनेका थिए,‘उनीप्रति मेरो मात्र शुभेक्षा छ । ’ राष्ट्रपति ट्रम्प र नेता किमबीच पछिल्ला बर्ष एउटा छुट्टै सम्बन्ध बनेको अन्तराष्ट्रिय सञ्चार माध्यमहरुको विश्लेषण छ ।
सम्बन्धित समाचारः
उत्तर कोरियाली नेता किम २० दिनपछि सार्वजनिक कार्यक्रममा देखिए
