तराईका अधिकांश स्थानहरूमा हुस्सु, हवाइ यातायात प्रभावित हुन सक्ने
काठमाडौँ। हाल देशका पहाडी भू–भागमा आंशिक बदली रही बाँकी भू–भागमा मौसम मुख्यतया सफा रहेको जल तथा मौसम विज्ञान विभागले जनाएको छ।
बिहानैदेखि तराईका अधिकांश स्थानहरूमा हुस्सु/कुहिरो लागेकाले दैनिक जनजीवन, स्वास्थ्य, यातायात तथा हवाई यातायातमा प्रभाव पर्न सक्ने विभागले जनाएको छ।
आइतवार दिउँसो कोशी, बागमती र गण्डकी प्रदेशका पहाडी भू–भागमा आंशिक बदली रही बाँकी भू(भागमा मौसम मुख्यतया सफा रहने विभागको मौसम पूर्वानुमान बुलेटिनमा उल्लेख छ।
आइतवार राती कोशी, बागमती र गण्डकी प्रदेशका पहाडी भू–भागमा आंशिक बदली रही बाँकी भू–भागमा मौसम मुख्यतया सफा रहनेछ ।
रातमा कोशी र गण्डकी प्रदेशका उच्च पहाडी तथा हिमाली भू–भागका एक–दुई स्थानमा हल्का हिमपातको सम्भावना रहेको विभागले जनाएको छ।
हुस्सु/कुहिरोको असर तथा कोशी र गण्डकी प्रदेशका उच्च पहाडी तथा हिमाली भेगमा हिमपातको सम्भावना रहेको हुँदा विभागले सचेतना अपनाउन अनुरोध गरेको छ।
