मापदण्ड विपरित बोइलर कुखुराको मासु आयात नगर्न कालीगण्डकी गाउँपालिकाकाे निर्देशन
प्रकाशित मिति : 24 January, 2024 2:02 pm
काठमाडौँ । स्याङ्जाको कालीगण्डकी गाउँपालिकाले मापदण्ड विपरित बोइलर कुखुराको मासु आयात नगर्न निर्देशन दिएको छ ।
गाउँपालिकाले पालिका भित्र विभिन्न मासु पसलहरूमा मापदण्ड विपरित अवैध रूपमा अस्वस्थकर मासु आयात गरि बिक्रि वितरण गरिएको जनगुनासो आएको भन्दै उक्त निर्देशन दिएको हो ।
गाउँपालिकाका प्रमुख प्रशासकीय अधिकृत पर्शुराम उपाध्यायले यस पश्चात उक्त कार्य गरेको पाए स्थानीय सरकारको निर्णय बमोजिम कारबाही गर्ने बताएका छन् ।
