उच्च पहाड र हिमाली भेगमा हिमपात, पहाडमा हल्का वर्षा, तराईका अधिकांश स्थानहरूमा हुस्सु लाग्ने
प्रकाशित मिति : 25 January, 2024 6:16 am
काठमाडौँ। आगामी २४ घण्टामा कोशी, गण्डकी र कर्णाली प्रदेशका उच्च पहाडी तथा हिमाली भू-भागका थोरै स्थानहरूमा तथा देशका बाँकी उच्च पहाडी तथा हिमाली भू-भागका एक-दुई स्थानमा हल्का हिमपातको सम्भावना रहेको छ।
जल तथा मौसम विज्ञान विभागले बिहीबार प्रकाशित मौसम पूर्वानुमान बुलेटिनका अनुसार देशको पहाडी भू-भागको एक वा दूई स्थानमा हल्का वर्षाको सम्भावना रहेको देखिन्छ ।
तराईका अधिकांश स्थानहरूमा हुस्सु/कुहिरो लाग्ने हुँदा दैनिक जनजीवन, स्वास्थ्य, यातायात तथा हवाई यातायातमा प्रभाव पर्न पूर्मानुमान गरिएको छ।
मौसमको प्रतिकूलताको प्रभाव र चिसोबाट समेत बच्न आवश्यक उपायहरू तथा सतर्कता अपनाउन अनुरोध गरिएको छ।
