राष्ट्रिय सभा सदस्य निर्वाचनअन्तर्गत बागमती प्रदेशमा मतदान चल्दै
काठमाडौँ । राष्ट्रिय सभा सदस्य निर्वाचनअन्तर्गत बागमती प्रदेशमा मतदान जारी रहेको छ ।
बिहीवार बिहान ९ बजेदेखि बागमतीमा राष्ट्रिय सभामा ४ सदस्य पदका लागि मतदान शुरु भएको हो । ४ पदका लागि वागमतीमा १५ जना उम्मेदवार चुनावी मैदानमा छन् ।
सत्ता गठबन्धनबाट महिलातर्फ नेपाली काँग्रेसका विष्णुदेवी पौडेल र अन्यतर्फ जीतजंग बस्नेत उम्मेदवार छन् भने अपाङ्गतातर्फ नेकपा (माओवादी केन्द्र) का श्रीकृष्णप्रसाद अधिकारी र दलिततर्फ नेकपा (एकीकृत समाजवादी) का घनश्याम रिजाल उम्मेदवार छन् ।
एमालेबाट महिलातर्फ रोचकुमारी चौलागाईं, दलिततर्फ ध्रुवराज विक, अपाङ्गतातर्फ त्रिलोचन निर्मल पौडेल र अन्यतर्फ विवेक देवकोटालाई चुनावी मैदानमा छन् ।
राष्ट्रिय प्रजातन्त्र पार्टीले बागमती प्रदेशमा अन्यतर्फ हेम्जङम गुरुङ, महिलातर्फ बालिका डल्लाकोटी र अपाङ्गतर्फ भरतमणि भट्टको उम्मेदवारी छ भने नेमकिपाले महिलातर्फ कृष्णलक्ष्मी दुवाल, दलिततर्फ संगिता नेपाली, अपाङ्गतातर्फ हिमालयश्वर मुल र अन्यतर्फ श्रीकृष्ण महर्जन उम्मेदवार बनाएको छ ।
