म्याग्दीमा धारिलो हतियार प्रहार गरी २२ वर्षीय युवकको हत्या

म्याग्दी । म्याग्दीको सदरमुकाम बेनी बजारमा युवाहरुको समुहले धारिलो हतियार प्रहार गरी एक जनाको हत्या गरेका छन् ।

बिहिबार साँझ बेनी ८ पिपलचोक बस्ने २२ वर्षीय शुशिल गर्बुजाको हत्या भएको जिल्ला प्रहरी कार्यालय म्याग्दीका डिएसपी मदन कुँवरले जानकारी दिए।

कुँवरका अनुसार युवाहरुबिच झगडा हुँदा एक्कासी खुकुरीले छातीमा प्रहार गरेपछि गर्बुजा घाइते भएका थिए । उनलाई उपचारका लागि बेनी अस्पताल लगिएकोमा चिकित्सकले मृत घोषणा गरेका थिए ।

मृतकको टाउको र छात्तिमा गहिरो चोट लागेको थियो । ८ १० जनाको समुहमा आएका युवाहरुले आक्रमण गर्दा थप दुईजना समेत घाइते भएका छन् । उनीहरुको बेनीमै उपचार भैरहेको कुवँरले बताए ।