दाङमा खाना पकाउनेक्रममा आगोले जलेर एक महिलाको मृत्यु
प्रकाशित मिति : 2 February, 2024 10:55 am
दाङ । दाङमा खान पकाउने क्रममा कपडाबाट आगो सल्किएर ४४ वर्षिय महिलाको मृत्यु भएको छ ।
तुलसीपुर उपमहानगरपालिका वडा नम्बर ८ कटकुईयाँका ४४ वर्षकी लक्ष्मी चौधरीको खाना पकाउने क्रममा कपडाबाट सल्केको आगोले जलेर मृत्यु भएको इलाका प्रहरी कार्यालय तुलसीपुरले जनाएको छ ।
बिहीवार साँझ घरमा दाउरा बालेर खाना पकाउने क्रममा कपडाबाट आगो सल्किएर उनको मृत्यु भएको प्रहरीले जानकारी दिएको छ।
श्रीमान र छोरा घरबाहिर भएकोबेला खाना पकाउनेक्रममा लुगाबाट सल्किएको आगोले उनको ज्यान गएको हो । घटना पश्चात स्थानियले प्रहरीलाई खबर गरेपनि प्रहरी टोली घटनास्थल पुग्दा चौधरी मृत अवस्थामा फेला परेकी थिइन् ।