दुई संसदीय समितिको बैठक बस्दै
प्रकाशित मिति : 5 February, 2024 9:52 am
काठमाडौँ । आज दुई संसदीय समितिको बैठक बस्दैछ । आज दिउँसो संघीय संसद् प्रतिनिधि सभाअन्तर्गतको शिक्षा, स्वास्थ्य तथा सूचना प्रविधि समितिको बैठक बस्दैछ ।
आज दिउँसो १ बजेबाट सिंहदरबारस्थित समितिको सभाकक्षमा बैठक बस्न लागेको हो । आजको बैठकमा सुरक्षण मुद्रण विधेयकको सम्बन्धमा छलफल हुनेछ ।
त्यस्तै राष्ट्रियसभा अन्तर्गतको राष्ट्रिय सरोकार तथा समन्वय समितिको बैठक दिउँसो १ बजे नै बस्नेछ । बैठकमा तहगत अन्तरसम्बन्ध र समन्वय सम्बन्धी प्रादेशिक कार्यक्रमको प्रतिवेदन सम्बन्धमा छलफल हुनेछ ।