कृषि विकास बहुउद्देश्यीय सहकारी समस्याग्रस्त घोषित
प्रकाशित मिति : 15 February, 2024 4:51 pm
काठमाडौँ । सरकारले ललितपुरको कुमारीपाटीमा केन्द्रीय कार्यालय रहेको कृषि विकास बहुउद्देश्यीय सहकारी संस्थालाई समस्याग्रस्त घोषणा गरेको छ ।
संस्थालाई भूमि व्यवस्था, सहकारी तथा गरिबी निवारण मन्त्रालयको मन्त्री स्तरिय निर्णयबाट गत माघ २६ गते समस्याग्रस्त घोषणा गरिएको हो ।
संघीय सहकारी विभागमा संस्थाका २८८ जना बचतकर्ताहरूले २६ करोड ८८ लाख बराबरको बचत फिर्ताको मागदावीसहित निवेदन दिएका थिए । उक्त निवेदनपछि सहकारी विभागले विभागबाट स्थलगत अनुगमन र निरीक्षण समेत गरेको थियो ।
समस्याग्रस्त घोषणा भएका सहकारीको संख्या १७ वटा पुगेको छ ।