आज प्रतिनिधिसभा बैठक बस्दै, कार्यसूचीमा प्रधानमन्त्रीसँग प्रश्नोत्तर
प्रकाशित मिति : 18 February, 2024 9:14 am
काठमाडौँ । प्रतिनिधिसभाको बैठक आज बिहान ११ बजे बस्ने सङ्घीय संसद् सचिवालयले जनाएको छ ।
सचिवालयले जारी गरेको सम्भावित कार्यसूची अनुसार आजको बैठकमा प्रधानमन्त्री पुष्पकमल दाहाल प्रचण्डसँग प्रश्नोत्तर गर्ने कार्यक्रम रहेको छ । सांसदहरूले सोधेका प्रश्नहरूको जवाफ प्रधानमन्त्रीले दिने कार्यसूचीमा रहेको छ ।
सभामुख देवराज घिमिरेले प्रधानमन्त्री तथा मन्त्रिपरिषद्को कार्यालयबाट प्राप्त कार्यभार तोकिएको सम्बधी पत्र पढेर सुनाउने कार्यक्रम छ ।
अर्थमन्त्री प्रकाशशरण महतले आर्थिक कार्यविधि तथा वित्तिय उत्तरदायित्व सम्बन्धी अध्यादेश स्वीकृत गरियोस् भन्ने प्रस्ताव पेश गर्ने कार्यसूची रहेको संसद् सचिवालयले प्रकाशित गरेको कार्यसूचीमा उल्लेख छ।