जसपाको केन्द्रीय कार्यकारिणी समितिको बैठक बस्दै
प्रकाशित मिति : 22 February, 2024 9:07 am
काठमाडौँ । जनता समाजवादी पार्टी (जसपा) नेपालले केन्द्रीय कार्यकारिणी समितिको बैठक बोलाएको छ । आज बिहान ११ बजे पार्टी कार्यालय बालकुमारीमा बस्ने गरी बैठक आह्वान गरिएको छ ।
बैठकमा राष्ट्रिय महाधिवेशन तयारीबारे छलफल हुनेछ । जसपाले आगामी जेठ २८, २९ र ३० राष्ट्रिय महाधिवेशन गर्ने निर्णय यसअघि नै गरिसकेको छ ।
यस्तै, बैठकमा केन्द्रीय नेताहरूलाई जिम्मेवारी बाँडफाँट गर्नेलगायतका विषयमा छलफल हुने छ।
